01.春天在哪裡
台語歌詞 • (國語翻譯)
春天佇陀位 (春天在哪裡)
我去問花蕊 (我去問花朵)
花蕊講伊才睏醒 (花朵說他才剛睡醒)
叫我去問露水 (叫我去問露水)
春天佇陀位 (春天在哪裡)
我去問露水 (我去問露水)
露水講伊咧曝日 (露水說他在曬太陽)
叫我問白翎鷥 (叫我去問白鷺鷥)
春天佇陀位 (春天在哪裡)
我問白翎鷥 (我去問白鷺鷥)
白翎鷥講水牛咧等伊 (白鷺鷥說水牛在等他)
叫我去問貓咪 (叫我去問貓咪)
春天佇陀位 (春天在哪裡)
我去問貓咪 (我去問貓咪)
貓咪一直哈唏 (貓咪直打哈欠)
續咧擱洗臉 (接著又洗臉)
叫我去問阿弟 (叫我去問弟弟)
春天佇陀位 (春天在哪裡)
我去問阿弟 (我去問弟弟)
阿弟目睭笑微微 (弟弟眼睛在微笑)
原來春天佇遮覕 (原來春天躲在這裡)
出處:
https://tw.knowledge.yahoo.com/question/question?qid=1011121702433
02.桃太郎
山腳溪仔邊 ˙阿婆在洗衫
看見水面流過來 一粒大仙桃
拾返去 剝開來 囝仔嘛嘛哮
阿公真歡喜 叫伊桃太郎
生做聰明擱伶俐 真有氣力
為正義 無惜生命欲去打魔鬼
山雞 狗及猴
作伙吃飯丸
幫助太郎打魔鬼 大勝利
田庄人大家呵咾小英雄
田庄人大家呵咾小英雄
田庄人大家呵咾小英雄
03.肥的肥溜溜
肥的肥溜溜，騎馬過福州。
福州城，不能過，肥的做皇帝。
皇帝舞關刀，肥的牽猪哥。
猪哥噗噗跳，肥的死翹翹。
04.天烏烏
天烏烏，欲落雨，阿公仔攑鋤頭欲掘芋
掘啊掘，掘啊掘，掘著一尾旋鰡鮕，伊呀蝦就真正趣味
阿公仔欲煮鹹，阿媽仔欲煮汫，兩个相拍挵破鼎，挵破鼎
伊呀蝦就弄當七當唱，哇哈哈，哇哈哈
出處:
https://tw.knowledge.yahoo.com/question/question?qid=1011121702433
05.螞蟻扛蜈蚣
螞蟻螞蟻要過冬
規陣出入無閒工
半路遇着大蜈蚣
蜈蚣想咬螞蟻塞嘴空
螞蟻陣順勢圍大網
拚死拚活扛蜈蚣
有的咬目睛 有的揪腳手
咬甲蜈蚣哀哀抽
蜈蚣跌落螞蟻穴
無死現夭壽
06.討海人
討海人 看魚東
有時出大海 有時停內港
掠沙魚 討赤棕
釣白魚 拖黃魴
牽大網 走西東
沙圾尾 補破網
要補無閒工
無補越破越大空
07.果子歌
正月甘蔗節節長，
二月青果雙頭黄，
三月梅子酸濫濫，
四月枇杷滿山村，
五月楊梅红貢貢，
六月蓮藕水中央，
七月红菱人人爱，
八月龍眼送上門，
九月香蕉双頭翹，
十月金桔滿山園，
十一月橘子用籠裝，
十二月紅柿甜又軟。
08.老安公
老安公 今年算來八十統
身軀看來真健康
家內代志會斗摸
舉筆會寫又會講
有人問他吃啥補
安公笑笑共你講
平時若是愛勞動
巧贏吃茸補洋蔘
09.圍爐歌
二九瞑 全家坐圓圓
年兜好日子 圍爐過新年
桌頂酒菜滿滿是
雞鴨封肉紅瓜魚
一盤長年菜
一碗金針煮木耳
紅膏蟳 烏鰻魚
吃蚶才會大趁錢
大人孩子笑咪咪
祝公媽歲壽吃百二
祝全家平安無代誌
10.安童買菜
安童哥上街去
嘴仔笑咪咪
喝甲伊囉伊
問他菜籃底啥物
隨口應
無延遲
一盤米糕真正甜
一個豬頭貼壽字
一只鵝角四斤四
一尾鯉魚要煮青
一串大腸灌糯米
一盒胭脂水粉要送仁心姐
11.扒龍船
五月節 扒龍船
大人孩子譁譁滾
海面一排四只船
岸頂人馬一大群
比賽開始吹哨子
槳起槳落水花噴
拍鑼拍鼓作後盾
滿頭面汗爭冠軍
12.拍鐵歌
拍鐵哥 印銅鑼
拍鋤頭 拍菜刀
鋤頭賣阿哥
阿哥呵咾功夫好
菜刀賣阿嫂
阿嫂呵咾錢公道
13.中秋博餅
中秋月餅一面鏡
照甲大廳光映映
街頭巷尾博月餅
厝內喊甲大細聲
孫仔細漢博一秀
阿姐博無讓大兄
博着對堂安媽贏
安公博着狀元餅
14.龜佮兔
龜佮兔來賽跑
兔走頭前無斡頭
半路欲睏欲食草
這隻龜寬寬仔走
拚過兔待先到
逐家呵咾龜真敖
15.杜蚓仔囝
杜蚓仔囝
杜蚓仔囝
無跤會行路
無人教伊會唱歌
身長長 腰軟軟
開塗空來做眠床
無跤會行路
無人教伊會唱歌
身長長 腰軟軟
開塗空來做眠床
16.烏貓
烏貓白喙齒
無愛掠鳥鼠
覕踮房間內
食餅配咖啡
17.水雞仔囝
水雞仔囝 出世肚大大
喙闊闊 田中央起厝蹛
水雞仔囝 無人教
家己會唱歌
18.狗蟻
狗蟻狗蟻真厲害
好食的物件伊攏知
逐家相招同齊來
認真搬轉去因厝內
19.食菝仔
食菝仔 放槍仔
食柚仔 放蝦米
食龍眼 放木耳
食着甘蔗 斷喙齒
20.十二生肖
一鼠賊仔名
唉呦
二牛駛犁兄
三虎爬山崎
四兔遊東京
五龍皇帝命
六蛇予人驚
七馬跑兵營
八羊食草嶺
九猴爬樹頭
十雞啼三聲
十一狗吠火車
十二豬菜刀命
21.三個和尚
一個和尚 家己擔水家己食 猶有春
兩個和尚 公家扛水公家食 剛剛好
三個和尚 無人扛水無通食 真可憐
分工合作 同心協力 毋驚無水通好食
22.中秋
八月十五是中秋
有人歡喜有人愁
有人愛吃月餅
有人愛吃文旦柚
23.白翎鷥
白的白翎鷥
紅的是紅柿
檨仔青 酸濫甜 食鴨喙齒烏
鴨肉配薑絲 韭菜炒大麵
身軀猶有兩仙錢
想欲食魚翅
24.好哥哥
哦 我有一個好哥哥
伊的名字叫做小多多
伊𠢕讀書閣愛唱歌
厝邊隔壁攏呵咾
阮時常做陣做功課
嘛做陣去七逃
有遮爾好的小哥哥
爸爸媽媽免煩惱
25.羊咩仔囝
羊咩仔囝 來食草
草埔頂溜溜走
看着一隻大烏狗
驚一下咩咩吼
26.玫瑰花
玫瑰花 真清芳
葉青青 花紅紅
白花黃花齊齊開
第一無閒採蜜蜂
27.食魚
捾潘來飼豬
割草來飼魚
魚有偌大
手蹄仔大
我欲食魚頭
魚頭有骨.
我欲食中箍
中箍有刺
我欲食魚尾
魚尾開叉
我欲攏總食
逐家走予掠
28.風緊來
風 風 風緊來
一仙予你買王梨
風 風 風緊去
一仙予你買茭芷
(重複三次)
29.嬰仔搖
嬰仔嚶嚶搖
哎唷
搖到三板橋
大麵雙碗燒
紅龜軟荍荍
肉丸仔摻胡椒
豬跤雙爿撩
嬰仔嚶嚶惜
一瞑大一尺
30.鴟鴞撲撲飛
鴟鴞撲撲飛
瓠仔換金瓜
金瓜真歹食
瓠仔換柴屐
柴屐真歹穿
瓠仔換加鴒
加鴒爻講話
瓠仔換茶鍋
31.數目歌
一個囡仔
兩領被
三尾鹹魚
四碗炊
五條菜頭
六塊粿
七粒龍眼
八枝椏
九欉玫瑰
十蕊花
蜜蜂蝴蝶颺颺飛
九欉玫瑰
十蕊花
蜜蜂蝴蝶颺颺飛
32.落褲叉
落褲叉 賣番麥
番麥鬆鬆 賣油蔥
油蔥酥酥賣茶箍
茶箍硬硬真歹用.
33.搖仔搖
搖仔搖 搖仔搖
搖到內山去挽茄
挽偌濟 挽一布袋
也通食也通賣
也通予嬰仔做度晬
34.圓仔圓
圓仔圓 圓仔甜
圓仔好食家己拈
將阮的好話講予一大篇
歹話撥一邊
35.摒掃
咱的教室像咱兜
逐日攏是愛摒掃
掃塗跤 洗地枋
排桌椅 拭門窗
逐家互相愛幫忙
工課做好心輕鬆
36.做客
嬸婆欲做客
拄著恁大伯
大伯賣紅龜
拄著恁姊夫
姊夫賣粉圓
拄著恁大姨
大姨賣粗紙
煞來拄著我.
37.月光光
月光光，秀才郎
騎白馬，過南塘
月光光，秀才郎
騎白馬，過南塘
南塘袂得過
掠貓仔來接貨
接貨接袂著
櫸竹篙來弄鴟鴞
月光光 秀才郎
騎白馬 過南塘
38.一二三
一二三 穿新衫
四五六 冊愛讀
七八九 毋通吼
歡歡喜喜來學校
39.小小鴨咪仔落孤單
一陣鴨去揣食
行到半路欠一隻
小小的鴨咪仔落孤單
揣無鴨陣來做伴
嘎嘎嘎嘎嘎嘎嘎
沿路吼沿路行
轉來去厝內等媽媽
轉來去厝內等媽媽
二、台語童謠
資料來源：青草國小附設幼兒園-台灣母語日教學網站
【一、天公伯仔】
天公伯仔，緊好天。
大人欲趁錢，囡仔愛過年。
【三、烏面祖師公】
烏面祖師公，白目眉，無人請，自己來，
一個面仔笑咍咍，笑甲喙仔裂腮腮。
【四、火燒山】
一年的火燒山、
二年的走去看、
三年的燒一半、
四年的燒甲變火炭、
五年的叩電話、
六年的來拍火。
【五、咚咚錚】
咚咚錚，咚咚錚，紅龜包豆餡，
阿公仔食，阿婆仔罵，阿公仔攑扁擔，
阿婆仔叫毋敢。
【六、猴山仔】
猴山仔挽花果、猴囝尋攏無，
猴山仔無挽面、猴囝一大陣。
【七、龍眼乾】
龍眼乾，三兩半，你點燈，我來看，咧看啥，看新娘，
新娘媠噹噹，才會嫁好翁。
【八、老公仔佇菜園】
老公仔佇菜園，菜園掘鬆鬆，
掘啊掘，欲種蔥；蔥無芽，欲種茶；
茶無花，欲種瓜；瓜無籽，掠鳥鼠；
鳥鼠匿佇佗？匿佇芎蕉跤。
哈哈哈，哈哈哈。
【九、刣雞請阿舅】
一二三，刣雞請阿舅
大隻仔掠來刣，細隻仔放予走，
一二三，刣雞請阿舅
阿舅遮久猶無來，我看雞仔毋免刣。
【十、點仔點叮噹】
點仔點叮噹，油炒蔥，肉堅凍，
阿婆攑鐵鎚仔，揈破金龜甕。
【十一、丟丟銅】
火車行到伊着
阿麥伊着丟
唉唷磅空內
磅空的水伊着
丟丟銅仔
伊着阿麥伊着丟啊
伊着滴落來
歌曲教學來源
(https://www.kimy.com.tw/project/200307/song/index_14.asp)
線上台語教室
「丟丟銅仔」是宜蘭民謠，也可說是一首家喻戶曉、代表蘭陽平原的台灣傳統歌謠。但是，民謠在不同的演場者口裡，就有不同版本的歌詞，今天傳唱最多的，就是這首描寫火車過山洞的情形：「火車欲行碰孔內，碰孔的水滴落來。」
夾在歌詞中的「阿麼伊都」只是虛字、襯詞，沒有特別的意思。
有人解釋「丟丟銅仔」是一種丟銅錢的遊戲，也有人認為是火車的汽笛聲，因此這首旋律簡單、輕快的民謠，也被稱為「火車調」。
呂泉生在一九四三年採集了這首民謠，並將它編成合唱曲。「丟丟銅仔」原是代表台灣勞動者工作時，不畏艱辛，以歌聲來紓解壓力的「詼諧曲」，現在這首歌已經成為每個人都能琅琅上口的民謠了。
(莊永明‧文)
【十二、火金姑】
火金姑來食茶
茶燒燒食芎蕉
芎蕉冷冷食龍眼
龍眼要剝殼
換來食藍菝仔
藍菝仔全全籽
害阮食一下落嘴齒
【十三、排骨仔隊】
阮就是排骨仔隊
你嘛是排骨仔隊
雙腿開開
腹肚若水櫃
雙雙手金光鎚
雙雙腳草螟仔腿
人人叫阮是排骨仔隊
歌曲影音
【十五、台灣出甜粿】
喂喂喂台灣出甜粿
甜粿真好食
台灣出木屐 木屐真好穿
台灣出鵁鴒 鵁鴒會講話
台灣出棉被 棉被甲會燒
台灣出芎蕉 芎蕉真大批
台灣出蕃薯 蕃薯真正好
台灣是寶島 台灣是寶島
【十六、笨惰仙】
一天過了又一天
身軀無洗全全鏽
走去溪仔邊洗三遍
毒死鰗仔魚
幾羅坨
【十七、一年仔悾悾】
一年仔悾悾
二年仔孫悟空
三年仔吐劍光
四年仔愛膨風
五年仔上帝公
六年仔閻羅王
【十八、大頭旺仔一粒珠】
大頭旺仔一粒珠
相拍毋認輸
夯竹篙托金龜
金龜一下飛
哎喲大頭旺仔 放風吹
風箏斷了線，大頭旺仔,
傢伙傢伙去一半.
影音來源
(https://youtu.be/5YuoKCMq9XY)【十九、臆台灣的地名】
台灣的地名是真趣味
開張大吉臆佗位
開張大吉臆新店
雨後春筍臆佗位
雨後春筍臆新竹
四季如春臆佗位
四季如春臆恆春
【二十、點仔膠】
點仔膠 黏著腳
叫阿爸 買豬腳
豬腳箍啊滾爛爛
枵鬼囝仔流嘴涎
歌曲影音
(https://youtu.be/kFlWfFeXaw4?list=PLA5850EE4C01687E0)
歌曲相關教學
(https://www.kimy.com.tw/project/200307/song/index_13.asp)
古早的台灣，大都市裡沒有幾條大馬路，而且路上大多是鋪著碎石子或泥土，只有一些是鋪上了瀝青，成為「點仔膠路」(柏油路)。由於柏油路品質不好，在大太陽的曝曬下，會軟化成糊狀，因此沒有鞋子穿的孩子，走在馬路上，不僅燙傷了腳，點仔膠還會黏在腳上哩。
台灣有「吃豬腳麵線」去除霉運的習俗，雙腳沾上了「點仔膠」確實是件倒霉的事，自然想到吃豬腳解運。孩子玩累了，肚子也餓了，看見豬腳當然是口水直流。這首兒歌生動的描繪了孩子在日常生活中，處處皆有樂趣的達觀態度。
當年在員林家商擔任老師的施福珍，有一天在校園內看見一群小朋友，在抽水機下面用清水沖洗黏在腳ㄚ上的柏油，還一邊重複的以「點仔膠，黏到腳……」來自潮，這種語言自成旋律的節奏感，給了施福珍靈感，他加上了「叫阿爸，買豬腳……，枵鬼囝仔流嘴涎」這些生動的詞句，譜成了這首趣味十足的「點仔膠」。
「點仔膠」在一九六六年，首次發表於員林家專創校十五週年的校慶會上，但是「點仔膠」的廣為流傳，卻是因為彰化縣童子軍將這首歌作為練唱的教材，才將這首歌推廣各中、小學，成為大家經常傳唱的台灣兒歌之一。 (莊永明‧文)
點仔膠---------柏油、瀝青。
豬腳箍仔------豬腳是圓棒狀，箍就是圓棒的意思，也就是計算的單位。
滾---------------煮。
枵鬼囝仔-----貪吃的小孩子。枵，餓，讀音「夭」。
流嘴涎--------流口水。
【二十一、樹頂一隻猴】
樹頂一隻猴
樹下一隻狗
猴跋落來 撞著狗
猴走 狗亦走
毋知是猴驚狗
抑是狗驚猴
【二十二、阿嬷兜】
阿嬤惦田庄，
四邊是甘蔗園，
簡單食三頓，
白白清米飯，
鹹鹹菜莆卵，
淡淡菜頭湯。
【二十三、西北雨直直落】
(台灣童謠) 黃敏配曲
西北雨直直落，鯽仔魚卜娶某。
鮕鮐兄拍鑼鼓，媒人婆仔土虱嫂，
日頭暗揣無路，趕緊來火金姑，
做好心來照路，西北雨直直落。
西北雨直直落，白鷺鷥來趕路。
搬山嶺過溪河，找無岫跋一倒，
日頭暗卜怎好，土地婆做好心來帶路，
西北雨直直落。
影音來源:
【二十四、放雞鴨】
(傳統唸謠)
一放雞，二放鴨，三分開，四做堆，五搭胸，
六拍手、七圍牆，八摸鼻，九揪耳，十抾起。
歌曲影音
(https://youtu.be/67bWV_cwI3E?list=PLA5850EE4C01687E0)
資源:線上台語教室
(https://www.kimy.com.tw/project/200307/song/index_17.asp)
這是一首丟沙包的遊戲歌，因為從雞鴨起頭，所以又叫「放雞鴨」。玩的時候，常使用三個沙包(或三顆小石子)，一個當雞，一個當鴨，第三個是在每次放雞鴨時都往上拋，做完動作再接住。玩遊戲的人必須一邊唱、一邊拋沙包，並在沙包拋上落下的剎那間做好動作。
這個遊戲，流傳已久，可以一個人玩，也可以兩個人玩，比賽誰動作快又正確。遊戲的地點則是在室內室外、桌上地上皆適宜。
過去做沙包所使用的材料，常是拿做衣服剩下的碎布來剪裁，裝上沙子、米粒或豆子。你也可以自己動手做做看。 (林武憲‧文)
一放雞 ◆手裡抓著三個沙包
◆把手上的一個沙包往上拋
◆把另一個沙包往下丟
◆再接住往上拋的沙包，念「一放雞」
二放鴨 ◆把手上的一個沙包往上拋
◆把手上剩下的沙包，放在桌上的沙包上
◆再接住往上拋的沙包，念「二放鴨」
三分開 ◆三到十的動作和前面的基本玩法一樣，都是先拋，再做動作，最後接沙包。
◆把桌上的兩個沙包分開
四相疊 ◆把桌上的沙包相疊
五搭胸 ◆用手輕拍胸膛兩次
六拍手 ◆ 雙手相拍兩次
七紡紗 ◆ 雙手在胸前轉動，做紡紗動作兩次
八摸鼻 ◆ 右手摸一下鼻子
九揪耳 ◆ 右手拉一下耳朵
十拾起 ◆ 右手把沙包全部撿起來
【二十五、嬰仔睏】
嬰仔嬰嬰睏，一暝大一吋。
嬰仔嬰嬰惜，一暝大一尺。
抱囝日落山，抱囝金金看。
你是我心肝，驚你受風寒。
嬰仔嬰嬰睏，一暝大一吋。
嬰仔嬰嬰惜，一暝大一尺。
一點親骨肉，愈看愈心適。
暝時搖伊睏，天光抱來惜。
嬰仔嬰嬰睏，一暝大一吋。
嬰仔嬰嬰惜，一暝大一尺。
同是一樣囝，哪有兩心情。
查甫也著疼，查某也著成。
嬰仔嬰嬰睏，一暝大一吋。
嬰仔嬰嬰惜，一暝大一尺。
細漢塗跤爬，大漢欲讀書。
為囝款學費，責任是咱的。
嬰仔嬰嬰睏，一暝大一吋。
嬰仔嬰嬰惜，一暝大一尺。
疼囝像黃金，成囝消責任。
養到恁嫁娶，我才會放心。
【二十六、一個炒米香】
一個炒米粉、二個炒韭菜、三個強強滾、
四個炒米粉、五個分蝦米、六個做官、
七個分一半、八個倒塊蠕、九個徛塊看、
十個焄爛爛、十一個火燒山,十二個蠔仔炒麵線
影音來源: